කෙන්යාවේ ශ්‍රී ලංකා මහ කොමසාරිස්වරයා විසින් හිටපු පාර්ලිමේන්තු මන්ත‍්‍රීනී හිරුණිකා ප්‍රේමචන්ද්‍රට එරෙහිව අපහාස වන්දි ඉල්ලමින් ලිපියක් යොමු කර තිබෙනවා.
පසුගියදා පැවති මාධ්‍ය හමුවේදී හිරුණිකා ප්‍රේමචන්ද්‍ර ප්‍රකාශ කළේ පසුගිය වසරේ අග්‍රාමාත්‍ය මහින්ද රාජපක්ෂ තිරුපති වෙත ගිය ජෙට් යානයේ හිමිකරු කෙන්යාවේ ශ්‍රී ලංකා මහ කොමසාරිස්වරයා බවයි.
ඔහු එල්.ටී.ටී.ඊ සාමාජිකයෙකු බවත් ඔහු උගන්ඩාවේ සිලෝන් කැෆේ හි හිමිකරු බවත් හිරුණිකා ප්‍රේමචන්ද්‍ර විසින් අවධාරණය කලා.
මහ කොමසාරිස්වරයා සිය නීතිඥවරයා හරහා යවන ලද ඉල්ලීම් ලිපියෙන් දන්වා ඇත්තේ මෙම චෝදනා සම්පූර්ණයෙන්ම පදනම් විරහිත, ගොතන ලද ඒවා වන බවයි.
2022 අප්‍රේල් 27 වැනි දින හෝ ඊට පෙර මේ පිලිබදව සුදුසු සමාව අයැදීමක් සමÛ ප්‍රසිද්ධියේ චෝදනා ඉල්ලා අස්කර ගන්නා ලෙසත් එසේ නැතහොත් රුපියල් මිලියන 500 මුදලක් ගෙවන ලෙසත් ඔහු විසින් හිරුණිකාගෙන් ඉල්ලා තිබෙනවා.
දින දහහතරක් ඇතුළත එසේ කිරීමට අපොහොසත් වුවහොත් හිරුණිකා ප්‍රේමචන්ද්‍රට එරෙහිව නීතිමය ක්‍රියාමාර්ග ගන්නා බවද ලිපියේ සඳහන්.
