එළඹෙන ෆෙඩරල් මැතිවරණයෙන් තමා ජයගතහොත් දූෂණ මර්දන කොමිසමක් පිහිටුවන බවට විපක්ෂ නායක ඇන්තනී ඇල්බනීස් ප්‍රතිඥා දෙනවා.
මෙම වසර අවසන්වීමට පෙරම එය ස්ථාපිත කිරිම ලේබර් පක්ෂයේ සැළසුම බවයි ඔහු සඳහන් කලේ.
මෙවැනි කොමිසමක් සඳහා ඔස්ටේ්‍රලියානුවන් දීර්ඝ කාලයක් බලාපොරොත්තු සහගතව සිටි බවත් ඇන්තනී ඇල්බනීස් අනාවරණය කරනවා.
2018 වසරේදී මෙවැනි කොමිසමක් පිහිටුවන බවද අගමැති ස්කොට් මොරිසන් දුන් පොරොන්දුව ඔහු විසින් කඩකර ඇති බවටත් විපක්ෂ නායකවරයා චෝදනා කරනවා.
ඩොලර් මිලියන 03 ක් වටිනා ඉඩමක් මිළයට ගැනීම සඳහා සභාග රජය විසින් ඩොලර් මිලියන 30 ක් වැය කිරීම වැනි චෝදනා මෙම කොමිසම හරහා විභාග කිරීමට හැකිවනු ඇති බවයි ඇන්තනී ඇල්බනීස් පවසන්නේ.
