මෙල්බන් නගරයේ අපජලයේ තිබී නව ඔමික්‍රොන් ප්‍රභේදයක වෛරස් කොටස් හමුවී තිබෙනවා.
මෙල්බන් වයඹ දිග Tullamarine ප්‍රදේශයෙන් ලබාගත් අපජලයේ තිබියදීයි BA.4 සහ BA.5 ලෙස දැනට නම් කර ඇති මෙම වෛරස් කොටස් සොයාගෙන ඇත්තේ.
ඔස්ටේ්‍රලියාවෙන් නව ඔමික්‍රොන් ප්‍රභේදයක වෛරස් කොටස් හමුවූ පළමු අවස්ථාවද මෙය වනවා.
දැනට මෙම ප්‍රභේදය හමුවී ඇත්තේද දකුණු අප්‍රිකාව – බොට්ස්වානා – ඩෙන්මාර්ක් සහ මහා බ්‍රිතාන්‍යය යන රටවලින් පමණයි.
නව ප්‍රභේදය වික්ටෝරියා ප්‍රාන්තයේ අප ජලයේ තිබී හමුවීම පිළිබඳ පුදුම නොවන අතර ඉදිරියේදී තවත් ප්‍රභේද හමුවිය හැකි බව ප්‍රාන්ත ප්‍රධාන සෞඛ්‍ය නිළධාරි බ්‍රෙට් සට්න් සඳහන් කලා.
