දිවයිනේ ප්රදේශ රැසක අද දිනයේදීත් විරෝධතා ආරම්භ වී තිබෙනවා.
විරෝධතාවක් නිසා, ගාල්ල බස් නැවතුම්පොළ අසලින් ගාල්ල – මාතර ප්රධාන මාර්ගය අවහිර වී තිබෙනවා.
ජාඇල නගරයේ දැඩි රථවාහන තදබදයක් හට ගෙන ඇත්තේද විරෝධතාවයක් හේතුවෙනුයි.
මේ අතර විශාල ජනකායක් තංගල්ල බස් නැවතුම්පොළේ සිට තංගල්ල කාල්ටන් නිවෙස ඉදිරිපිට ඇති පොලිස් මාර්ග බාධකය අසල මේවනවිට උද්ඝෝෂණයේ යෙදෙමින් සිටිනවා.
හෝමාගම නගරයේ පිහිටි ධර්මපාල පිළිරුව අසල මේ වන විට තරුණ තරුණයින් එක්ව විරෝධතාවයක් ආරම්භ කර තිබෙනවා.
එමෙන්ම මහරගම – දඹුල්ල – වැලිමඩ ඇතුලු දිවයින පුරා නගර රැසක විරෝධතා පැවැත්වෙන බව සඳහන්.