යුක්රේන ජනාධිපති වොලොඩිමිර් සෙලෙන්ස්කි මීට ටික වේලාවකට පෙර ඔස්ටේ්‍රලියා පාර්ලිමේන්තුව අමතනු ලැබුවා.
ඊට පෙර අගමැති ස්කොට් මොරිසන් විසින් පාර්ලිමේන්තුව අමතනු ලැබූ අතර ඔහු කියාසිටියේ යුක්රේනයට තවත් අමතර ඩොලර් මිලියන 25 ක යුධමය ආධාර ලබාදීමට ෆෙඩරල් රජය තීරණය කර ඇති බවයි.
මේ අනුව ඔස්ටේ්‍රලියාව විසින් යුක්රේනයට ලබාදුන් සමස්ත යුද ආධාරය ඩොලර් මිලියන 116 දක්වා ඉහළ යනු ඇති.
ඔස්ටේ්‍රලියා පාර්ලිමේන්තුව ඇමතීමට පෙර යුක්රේන ජනාධිපතිවරයාට උණුසුම් පිළිගැනීමක් හිමිවීම විශේෂත්වයක්.
වොලොඩිමිර් සෙලෙන්ස්කි ඉල්ලා සිටියේ තම රටට තවත් සහය අත්‍යවශ්‍ය බවයි.
රුසියානු හමුදාවන් සිවිල් වැසියන් හා කුඩා ළමුන් පවා ඝාතනය කරමින් සිටින බවටයි ඔහු චෝදනා කලේ.
යුක්රේන වාසීන්ගේ සිහින විනාශ කර දැමිය නොහැකි බවත් ජනාධිපතිවරයා අවධාරණය කලා.
COMMENTS