විද්‍යුත් මෝටර් රථයක් මිළදී ගැනීමට අපේක්ෂා කරන ඕනෑම අයෙකුට ඩොලර් 3000 ක සහනාධාරයක් ලබාදීමට ක්වීන්ස්ලන්ඩ් ප්‍රාන්ත රජය තීරණය කර තිබෙනවා.
කාබන් විමෝචනය අවම කර පරිසරය ආරක්ෂා කරගැනීමේ එක් පියවරක් ලෙසයි එම පියවර ගෙන ඇත්තේ.
මේ යටතේ ඩොලර් මිලියන 55 ක මුදලක් වෙන් කර ඇතැයි ක්වීන්ස්ලන්ඩ් ප්‍රාන්ත රජය නිවේදනය කලා.
ඩොලර් 58,000 ක උපරිමයකට යටත්වන මිළක් යටතේ මෝටර් රථයක් මිළදී ගැනීම සඳහා මෙම සහනාධාරය හිමිවනු ඇති.
ලබන ජූලි පළමුවනදා සිට මෙම වැඩපිළිවෙල ආරම්භ කෙරෙනවා.
2022-2032 කාලසීමාව තුළ කාබන් විමෝචනය අවම කිරීම සඳහා ක්වීන්ස්ලන්ඩ් ප්‍රාන්ත රජය පසුගියදා සැළැස්මක් හඳුන්වා දෙනු ලැබුවා.
