මෙල්බන් නගරයේ ප්‍රධාන මාර්ග කොටසක අද පෙරවරුවේ පැය 02 ක කාලයකදී සිදුකල හදිසි පොලිස් පරීක්ෂාවකදී අධිවේගයෙන් රිය ධාවනය කල පුද්ගලයන 53 දෙනෙකුට දඩ පත්‍රිකා නිකුත් කර තිබෙනවා.
Bulla Road සහ Dynon Road අතර අද පෙරවරු 07 සිට පෙරවරු 09 දක්වා මෙම පරීක්ෂා කිරීම් සිදුකර තිබුණා.
මෙම රියදුරන් අතුරින් 07 දෙනෙකුගේ රියදුරු බලපත් අහෝසි කිරිමටද කටයුතු කෙරුණු බවයි වික්ටෝරියා ප්‍රාන්ත පොලිසිය සඳහන් කලේ.
මත්ද්‍රව්‍ය භාවිත කර රිය පදවන ලද එක් අයෙකුද මේ අතර වුණා.
පසුගිය දීර්ඝ සති අන්තයේදී අධි වේගයෙන් රිය පැදවීමේ චෝදනා මත වික්ටෝරියා ප්‍රාන්තයේ 3000 කට වැඩි පිරිසකට දඩ පත්‍රිකා නිකුත් කර තිබූ බවද සඳහන්.
