IMF ජ්‍යෙෂ්ඨ නිලධාරියෙකු අද සහ හෙට ශ්‍රී ලංකාවේ

ජාත්‍යන්තර මූල්‍ය අරමුදලේ ජ්‍යෙෂ්ඨ නිලධාරියෙකු අද සහ හෙට දිනවල ශ්‍රී ලංකාවේ සංචාරය කිරීමට නියමිත බව මූල්‍ය අරමුදලේ ශ්‍රී ලංකා දූත මණ්ඩල ප්‍රධානී මසාහිරො නොසාකි උපුටා දක්වමින් රොයිටර් පුවත් සේවය වාර්තා කරනවා.

ශ්‍රී ලංකාවේ වත්මන් ආර්ථික අර්බුදය සම්බන්ධයෙන් ජාත්‍යන්තර මූල්‍ය අරමුදලේ ඇගයීම පිළිබඳ ජනාධිපති ගෝඨාභය රාජපක්ෂ දැනුවත් කිරීමයි එහි මූලික අරමුණ වන්නේ.

ජාත්‍යන්තර මූල්‍ය අරමුදලට මෙතෙක් ශ්‍රී ලංකාවෙන් මූල්‍ය ආධාර සඳහා ඉල්ලීමක් ලැබී නොමැති බවත්, ඉල්ලීම් ලද හොත් ඒ සඳහා ඇති විකල්ප සාකච්ඡා කිරීමට ජාත්‍යන්තර මූල්‍ය අරමුදල සූදානම් බවත් දූත මණ්ඩල ප්‍රධානියා වැඩිදුරටත් පවසා තිබෙනවා.

ශ්‍රී ලංකාව සහ ජාත්‍යන්තර මූල්‍ය අරමුදල අතර සාකච්ඡා ලබන මාසයේදී ආරම්භවීමට නියමිත බව රොයිටර් පුවත් සේවය පෙරේදා දිනයේදී වාර්තා කලා.

ණය ප්‍රතිව්‍යුහගත කිරීම සහ විදේශ විනිමය අර්බුදය විසඳා ගැනීම කෙරෙහි එහිදී අවධානය යොමු කෙරෙනු ඇති බවයි මූලාශ්‍ර 03 ක් උපුටා දක්වමින් රොයිටර් පුවත් සේවය සඳහන් කලේ.

මුදල් අමාත්‍ය බැසිල් රාජපක්ෂ ලබන මාසය මැද භාගයේදී වොෂින්ටන් නුවරට ගොස් මූල්‍ය අරමුදලේ ප්‍රධානීන් මුණගැසීමට නියමිත බවයි රොයිටර් වාර්තාවේ දැක්වෙන්නේ.

කෙසේවෙතත් ට්විටර් සටහනක් තබමින් මහ බැංකු අධිපති අජිත් නිවාඩ් කබ්රාල් කියාසිටියේ ලබන මාසයේදී ජාත්‍යන්තර මූල්‍ය අරමුදල සමග පැවැත්වෙන සාකච්ඡා කිසිදු ආකාරයකින් ණය ප්‍රතිව්‍යුහගත කිරීමකට අදාළ නොවන බවයි.

ගුවන් යානයක් කැළඹීමකට හසුවීමෙන් මගියෙකු ජීවිතක්ෂයට

ලන්ඩනයේ සිට සිංගප්පූරුව බලා ගමන් කරමින් තිබූ ගුවන් යානයක් උඩු ගුවනේදී කැළඹීමකට හසුවීමෙන් එක් අයෙකු ජීවිතක්ෂයට පත්වී තිබෙනවා.

Read More »

තම සුරතලුන් දෙදෙනාගේ ප්‍රහාරයෙන් කාන්තාවක් මිය යයි

නැගෙනහිර ලන්ඩනයේ නිවසකදී ඇමෙරිකන් බුලි (XL Bully) වර්ගයේ දැවැන්ත සුනඛයන් දෙදෙනෙකුගේ ප්‍රහාරයක් හේතුවෙන් 50 හැවිරිදි කාන්තාවක් මිය ගොස් ඇති බව පොලිසිය තහවුරු කර තිබෙනවා.

Read More »

ඔස්ට්‍රේලියානුවන් වැඩි වශයෙන් භාවිතා කරන භාෂා ගැන අලුත් අනාවරණයක්

සෑම ඕස්ට්‍රේලියානුවන් පස් දෙනෙකුගෙන් එක් අයෙක් නිවසේ දී ඉංග්‍රීසි භාෂාව හැර වෙනත් භාෂා භාවිත කරන බව නවතම අධ්‍යයනයක දී හෙළිව තිබෙනවා.

Read More »

වික්ටෝරියා ප්‍රාන්තයේ ප්‍රධාන පාසලක සිසුන්ට ජල බෝතල් තහනම් වෙයි

වික්ටෝරියා ප්‍රාන්තයේ ජනප්‍රිය පෞද්ගලික පාසලක ඇතැම් සිසුන් සඳහා පන්ති කාමරය තුළ ජල බෝතල් තහනම් කර ඇතැයි වාර්තා වනවා.

Read More »

මෙල්බන්හි මාර්ගයක ඇවිද යමින් සිටි කාන්තාවකට පිහි ප්‍රහාරයක්

අද උදෑසන මෙල්බර්න් නගරයේ කාර්යබහුල නගර අභ්‍යන්තර මාර්ගයකදී කාන්තාවකට නාඳුනන පුද්ගලයෙකු විසින් පිහියෙන් ඇනීමේ සිදුවීමක් පිළිබඳ පොලිස් පරීක්ෂණ ආරම්භ වී තිබෙනවා.

Read More »