Visa සහ Master card රුසියාව තුළ මෙහෙයුම් අත්හිටුවයි

ලොව ප්‍රමුඛතම ක්‍රෙඩිට් කාඩ් සමාගම් 02 ක් වන මාස්ටර් කාඩ් සහ වීසා සමාගම් රුසියාව තුළ සිය මෙහෙයුම් අත්හිටුවා තිබෙනවා.

ඒ අනුව රුසියානු බැංකුවලින් නිකුත් කරන ලද එම කාඩ්පත් මින් ඉදිරියට ඔවුන්ගේ ජාලය තුළ ක්‍රියාත්මක වන්නේ නැහැ.

රුසියාවෙන් බැහැර රටකදී නිකුත් කරන ලද මාස්ටර් කාඩ් සහ වීසා කාඩ්පත් රුසියාව ඒ ටී එම් යන්ත්‍ර හෝ වෙළඳසැල් තුළදී භාවිත කිරිමටද අවසර නොලැබෙනු ඇති.

මේ අතර යුක්රේන ජනාධිපති වොලොඩිමිර් සෙලෙන්ස්කි සහ අමෙරිකා ජනාධිපති ජෝ බයිඩ්න් අතර දුරකථන සංවාදයක් පවත්වා තිබෙනවා.

විනාඩි 30 කට ආසන්න කාලයක් පැවති එහිදී යුක්රේනයට ආර්ථික සහය ලබාගැනීම සහ රුසියාවට තවදුරටත් සම්බාධක පැණවීම පිළිබඳවයි අවධානය යොමුකර ඇත්තේ.

මේ අතර යුක්රේනයේ මරියුපොල් නගරයේ දැවැන්ත මානුෂීය අර්බුදයක් උද්ගත වී තිබෙනවා.

සටන් විරාමයකට අනුව සිවිල් වැසියන්ට පළායාමට අවසර ලැබුණද එම සටන් විරාමය ක්‍රියාක්මක වූයේ පැය 02 ක් වැනි සුලු කාලයක් පමණයි.

ඒ අනුව විශාල පිරිසක් තවමත් යුධමය කලාපයක සිර වී සිටින බවයි විදෙස් වාර්තා සඳහන් කලේ.

සිවිල් වැසියන්ට අවශ්‍ය පානීය ජලය – ආහාර සහ විදුලි සැපයුම් ක්‍රම ක්‍රමයෙන් හීන වෙමින් පවතින බවද සඳහන්.

මේ අතර අමෙරිකා රාජ්‍ය ලේකම් ඇන්තනී බ්ලින්කන් පෝලන්ත දේශ සීමාවේදී යුක්රේන රජයේ ඉහළම නිළධාරීන් සමග සාකච්ඡා කර තිබෙනවා.

ඔස්ට්‍රේලියාවට එන ශිෂ්‍ය වීසා ප්‍රතික්ෂේප වෙන හැටි

ඔස්ට්‍රේලියාවේ නව සංක්‍රමණ ප්‍රතිසංස්කරණ යටතේ ඔස්ට්‍රේලියාවට යොමු කරන සෑම ජාත්‍යන්තර ශිෂ්‍ය වීසා අයදුම්පත් 5කින් 1ක් ප්‍රතික්ෂේප වන බව හෙළිව තිබෙනවා.

Read More »

මිල වැඩි වීමේ චෝදනා එල්ල වූ සුපිරි වෙළඳසැලකින් ඇදහිය නොහැකි වට්ටම්

ජීවන අර්බුදයත් සමග පීඩා විඳින ඔස්ට්‍රේලියානුවන් සදහා වූල්වර්ත් (Woolworth) සුපිරි වෙළඳසැල මගින් මෙතක් ලබා නොදුන් ඇදහිය නොහැකි වට්ටම් ලබා දීමට පාලනාධිකාරිය පියවර ගෙන තිබෙනවා.

Read More »