යුක්රේනය සහ රුසියාව සාම සාකච්ඡා පැවැත්විය හැකි වේලාවක් සහ ස්ථානයක් පිළිබඳ සාකච්ඡා කරමින් සිටින බව යුක්රේන ජනාධිපති කාර්යාලය පවසනවා.
රුසියාව ඒ සඳහා යෝජනා කර තිබුණේ බෙලරුස් රාජ්‍යයේ මින්ස්ක් අගනුවර යි.
එහෙත් පෝලන්තයේ වෝර්සෝ නුවර යුක්රේනය විසින් යෝජනා කර තිබුණා.
මේ අතර රුසියානු රජයට පක්ෂපාතී දැන්විම් ප්‍රචාරය අත්හිටුවීමට ෆේස්බුක් – වට්ස්ඇප් – ඉන්ස්ටග්‍රම් අයත් මව් සමාගම වන මෙටා සහ ට්විටර් සමාජ ජාලය පියවර ගෙන තිබෙනවා.
ව්‍යාජ තොරතුරු ප්‍රචාරය වැළක්වීම එහි අරමුණ බවයි ඔවුන් නිවේදනය කලේ.
මේ අතර තමා තවමත් යුක්රේනයේ සිටින බව ඔප්පු කිරීම සඳහා යුක්රේන ජනාධිපති වොලඩ්මියර් සෙලෙන්ස්කි විසින් සමාජ මාධ්‍ය වෙත ඡායාරූප සහ වීඩියෝ පට කිහිපයක් මුදා හැර තිබුණා.
යුක්රේනයට සහය පළකරමින් අද දිනයේදී ලොව පුරා විරෝධතා රැසක් පැවැත්වෙන බවයි විදෙස් වාර්තා සඳහන් කලේ.
යුක්රේන හමුදාවන්ට අනුව රුසියානු සෙබලුන් 3500 ක් පමණ ඝාතනයට ලක්ව ඇති අතර තවත් 200 කට ආසන්න පිරිසක් අත්අඩංගුවට ගෙන ඇති බව සඳහන්.
