නිවු සවුත් වේල්ස් ප්‍රාන්තයේ සිසුන්ට පණවා තිබූ සති 02 කට වරක් රැපිඩ් පරීක්ෂණ සිදුකිරීමේ අනිවාර්ය නියෝගය ඉවත් කර තිබෙනවා.
ඒ වෙනුවට සෑම දෙමව්පියෙකුටම රැපිඩ් කට්ටල 08 කින් සමන්විත test kit එකක් ලබාදෙනු ඇති.
එය ඔවුන්ගේ අවශ්‍යතාවය සඳහා දරුවන් පරීක්ෂා කල යුතු වේලාවන්වලදී භාවිත කිරීමට හැකි බවයි නිවු සවුත් වේල්ස් ප්‍රාන්ත රජය දන්වා සිටින්නේ.
පාසල් සහ පෙරපාසල් ගුරුවරුන් හා කාර්ය මණ්ඩල වෙතද රැපිඩ් කට්ටල ලබාදීමටයි සැලසුම් කර ඇත්තේ.
නිවු සවුත් වේල්ස් ප්‍රාන්තයෙන් ඊයේ (19) දිනයේදී කොවිඩ් ආසාධිතයන් 5,582 ක් වාර්තා වි තිබේ.
දැනට 1,280 දෙනෙකු රෝහල්ගතව ප්‍රතිකාර ලබන අතර ඉන් 77 දනෙකු දැඩි සත්කාර ඒකකවල (ICU) ප්‍රතිකාර ලබමින් සිටී.
ඊයේ නිවු සවුත් වේල්ස් ප්‍රාන්තයෙන් කොවිඩ් මරණ 21 ක් වාර්තා විය.
