වසර 02 කට පසු දේශ සීමා විවෘත කිරීමට පැය 24 කට අඩු කාලයක් තිබියදී අගමැති ස්කොට් මොරිසන් අද පෙරවරුවේ මෙල්බන් ජාත්‍යන්තර ගුවන් තොටුපළේ නිරීක්ෂණ චාරිකාවකට එක්වුණා.
හෙට සිට නැවතත් සංචාරකයන්ට රට විවෘත වන බැවින් සංචාරක කර්මාන්තය නැවතත් නගා සිටුවීමට හැකිවනු ඇති බවය අගමැතිවරයා සඳහන් කලේ.
හෙට දිනය තුළදී ගුවන් යානා 50 කට ආසන්න සංඛ්‍යාවක් ඔස්ටේ්‍රලියාවට පැමිණීමට නියමිතව තිබෙනවා.
ඉන් අඩකට වැඩි පිරිසක් සිංගප්පූරුව – අමෙරිකාව සහ ජපානයෙන් පැමිණෙනු ඇති.
කෙසේවෙතත් මෙලෙස පැමිණෙන සියලු සංචාරකයන් කොවිඩ් මාත්‍රා 02 ක් ලබාසිටීම අනිවාර්ය වනවා.
මේ අතර ඔස්ටේ්‍රලියානු සෞඛ්‍ය අංශ ඔස්ටේ්‍රලියානුවන්ට දන්වා සිටින්නේ ජාත්‍යන්තර සංචාරකයන් යළි රටට පැමිණීම ආරම්භවීමත් සමග ආසාධිතයන් සංඛ්‍යා ඉහළ යා හැකි බැවින් හැකි ඉක්මණින් එන්නත්කරණයට යොමුවන ලෙසටයි.
