තවත් දින 14 කින් ඔස්ටේ්‍රලියාවේ දේශ සීමා විවෘත කිරීම හරහා සංචාරක සහ ගුවන් සේවා අංශවල ඉහළ වර්ධනයක් අපේක්ෂා කෙරෙනවා.
ඔස්ටේ්‍රලියානු ගුවන් තොටුපළ සංගමයේ ප්‍රධාන විධායක නිළධාරී ජේම්ස් ගුඩ්වින් පවසන්නේ මෙම තීරණය ගුවන් කර්මාන්තය මාස ගණනක් පුරා අපේක්ෂාවෙන් සිටි එකක් බවයි.
කොවිඩ් මාත්‍රා 02 ක් සහිත ඕනෑම අයෙකුට වීසා කොන්දේසි සපුරාලන්නේ නම් ලබන 21 වනදා සිට ඔස්ටේ්‍රලියාවට පැමිණිමට අවසර දෙන බව අගමැති ස්කොට් මොරිසන් අද පෙරවරුවේ නිවේදනය කලා.
ජේම්ස් ගුඩ්වින් පෙන්වා දෙන්නේ ජාත්‍යන්තර ගුවන් ගමන් තවමත් ක්‍රියාත්මක වන්නේ සියයට 15 ක මට්ටමකින් පමණක් බවයි.
ජාත්‍යන්තර සංචාරකයන් පැමිණීම හරහා දේශීය ගුවන් ගමන්වල වර්ධනයක්ද අපේක්ෂා කෙරෙන බව ඔහු වැඩිදුරටත් කියාසිටියා.
මේ අතර ක්වන්ටාස් ගුවන් සේවයද රජයේ තීරණයට ප්‍රසාදය පළකර සිටිනවා.
ඉදිරියේදී තවත් ජාත්‍යන්තර ගමනාන්ත කිහිපයකට ගුවන් ගමන් ආරම්භ කිරීමට සැළසුම් කෙරෙමින් ඇති බවයි ඔවුන් නිවේදනය කලේ.
