මෙම වසරේ දෙවන අර්ධය සඳහා සැළසුම් කර තිබූ ගුවන් ගමන් අතුරින් සැළකිය යුතු ප්‍රමාණයක් අවලංගු කිරීමට ක්වන්ටාස් සහ ජෙට් ස්ටාර් ගුවන් සමාගම් තීරණය කර තිබෙනවා.
මේ අනුව ජූලි – අගෝස්තු සහ සැප්තැම්බර් සඳහා සැළසුම්කර තිබූ ගුවන් ගමන් අතුරින් විශාල ප්‍රමාණයක් අවලංගු කරන බවයි ක්වන්ටාස් ගුවන් සේවය නිවේදනය කරන්නේ.
ඔමික්‍රොන් වෛරස් ප්‍රභේදයේ බලපෑම මීට හේතුව වී තිබෙනවා.
කෙසේවෙතත් මීට සති කිහිපයකට පෙර ක්වන්ටාස් ගුවන් සේවය නිවේදනය කලේ කොවිඩ් වසංගතයට පෙර තිබු තත්වයට වඩා සියයට 102 කින් ගුවන් ගමන් වැඩිකිරීමට පියවර ගන්නා බවයි.
එහෙත් ගුවන් ගමන් සඳහා වන ඉල්ලුම සියයට 70 කට පමණ අඩුවීම සැළකිල්ලට ගෙන සිය තීරණය වෙනස් කිරීමටයි ක්වන්ටාස් ගුවන් සේවය තීරණය කර ඇත්තේ.
