ලොව අංක එකේ ටෙනිස් ක්‍රීඩක නොවැක් ජොකොවික් ඔස්ටේ්‍රලියාවෙන් පිටුවහල් කරන්නේද නොමැතිද යන අවසන් තීන්දුව ලබාදීම සඳහා වන නඩු විභාගය මෙල්බන් වේලාවෙන් රාත්‍රී 08 දක්වා කල් දමා තිබෙනවා.
අද පෙරවරුවේ යළි ආරම්භ වූ නඩු විභාගයේදී ජොකොවික්ගේ නීතීඥයන් සහ රජයේ නීතීඥයන් වෙන වෙනම කරුණූ දක්වා තිබුණා.
ඔස්ටේ්‍රලියා විවෘත ටෙනිස් තරගාවලියට සහභාගීවීම සඳහා මෙල්බන් නුවරට පැමිණි ඔහුගේ වීසා බලපත්‍රය අවලංගු කිරීමට දේශ සීමා ආරක්ෂණ නිළධාරීන් පියවර ගත්තේ පසුගිය බ්‍රහස්පතින්දා දිනයේදීයි.
ඒ නිසි එන්නත්කරණයකින් තොරව ඔස්ටේ්‍රලියාවට ඇතුලුවීම නීති විරෝධී යැයි දක්වමින්.
එහෙත් ඔහුගේ නීතීඥයන් විසින් වික්ටෝරියා අධිකරණයක් හමුවේ අභියාචනයක් ගොණුකල අතර එහි අවසන් තීන්දුව ලබාදීම අද තෙක් කල් දැමුණා.
කිසියම් අයුරකින් පිටුවහල් කිරීමේ නියෝගයක් ලදහොත් වසර 03 ක් යනතුරු නැවතත් ඔස්ටේ්‍රලියාවට පැමිණීමද ජොකොවික් ට තහනම් වනු ඇති.
