පන්දු යැවීමේ වේගය නියමිත මට්ටමේ පවත්වාගෙන නොයාම සඳහා දඩ නියම කිරීම පන්දුවාර 20 ක්‍රිකට් තරග සඳහාද හඳුන්වාදීමට ජාත්‍යන්තර ක්‍රිකට් කවුන්සිලය තීරණය කර තිබෙනවා.
මේ අනුව ජාත්‍යන්තර ක්‍රිකට් ක්‍රීඩාවේ අංශ 03 සඳහාම එම නීතිය පවත්වාගෙන යාමටයි අයි සී සී ය අනුමැතිය දී ඇත්තේ.
මෙම මාසයේ සිට එම සංශෝධනය බලාත්මක වනු ඇති.
මීට අමතරව සිසිල් පැන් පානය කිරීම සඳහා වන විවේක කාලයන් සඳහා සංශෝධන හඳුන්වාදීමටද අයි සී සී ය විසින් අනුමැතිය දෙනු ලැබුවා.
ඒ අනුව සෑම ඉණිමක් අතරතුරදීම විනාඩි 02 හාමාරක අනිවාර්ය නොවන විවේක කාලයක් ලබාගත හැකියි.
කෙසේවෙතත් ඒ සඳහා කණ්ඩායම් 02 ම එකගවිය යුතුයි.
නව නීති යටතේ පැවැත්වෙන පළමු තරගය වන්නේ ලබන 16 වනදා ජැමෙයිකා හිදී පැවැත්වෙන බටහිර ඉන්දීය කොදෙව් සහ දකුණු අප්‍රිකාව අතර පන්දුවාර 20 තරගයයි.
