අගමැති ස්කොට් මොරිසන්ගේ ප්‍රධානත්වයෙන් ජාතික කැබිනට් මණ්ඩල රැස්වීමක් අද පැවැත්වුණා.
ඔමික්‍රොන් වෛරස් ප්‍රභේදය පිළිබඳ එහිදී වැඩි අවධානයක් යොමුකල බවයි අනතුරුව පැවති මාධ්‍ය හමුවකදී අගමැතිවරයා කියාසිටියේ.
හැකිතාක් බාහිර ඒකරාශිවීම්වලින් ඉවත් වන්නැයිද ගෘහස්ථ කටයුතුවලදී මුව ආවරණ භාවිතය නිසි ලෙස සිදුකරන්නැයිද ඔහු මෙහිදී ජනතාවගෙන් ඉල්ලා සිටියා.
මේ අතර බූස්ටර් මාත්‍රාව ලබාදීමේ කාල වකවානු වෙනස් කිරීමකින් තොරවම පවත්වාගෙන යාමට ජාතික කැබිනට් මණ්ඩලය තීරණය කර තිබෙනවා.
ඒ අනුව 02 වන හා 03 වන මාත්‍රා අතර පරතරය තවදුරටත් මාස 05 ක් ලෙසම පවතිනු ඇති.
ඉදිරි නිවාඩු කාලසීමාවේදී එන්නත්කරණ කටයුතුවල නිරත වන වෛද්‍යවරුන්ට සහ ඖෂධ සංයෝජකයන්ට එක් එන්නතකට අමතර ඩොලර් 10 ක මුදලක් ගෙවීමටද තීරණය කල බවයි අගමැති මොරිසන් පවසා සිටියේ.
