ෆිච් රේටින් ශ්‍රේණි ගත කිරීම් වලින් ශ්රී ලංකාව පහළට හෙළීම සම්බන්ධයෙන් ශ්රී ලංකා මහ බැංකුව සිය නොසතුට පළ කරයි.
නිවේදනයක් නිකුත් කරමින් ශ්රී ලංකා මහ බැංකුව සඳහන් කරන්නේ ශ්රී ලංකාවේ ධනාත්මක ආර්ථික වර්ධනයන් හඳුනා ගැනීමට මෙම ශ්‍රේණිගත කිරීම අසමත් වී ඇති බවයි.
ශ්‍රේණිගත කිරීම් වලින් ශ්රී ලංකාව පහත හෙලීම සිතාගත නොහැකි බවද මහ බැංකු විසින් නිකුත් කළ නිවේදනයේ දැක්වෙයි.
ශ්රී ලංකා ආර්ථිකයේ සියලුම අංශවල නවතම වර්ධනයන් සහ ආසන්න විදේශ විනිමය ගලා ඒම් පිළිබඳව නිරන්තරයෙන් යාවත්කාලීන කර ඇතැයි ද එම නිවේදනයේ දැක්වේ.
රට තුළ ඇති වී තිබෙන ඩොලර් අර්බුදය පියමං කර ගැනීම සඳහා විදේශ රටවල් තුනකින් ණය මුදලක් ලබා ගැනීම කෙරෙහි රජයේ අවධානය යොමුව තිබේ.
චීනය ජපානය සහ රුසියාව යන රටවලින් එසේ ණය මුදලක් ලබා ගැනීමට අවධානය යොමුව ඇත.
දැනටමත් ඒ සම්බන්ධයෙන් සාකච්ඡා ආරම්භ කර ඇති බව පසුගිය සතියේ පැවති කැබිනට් මණ්ඩලයට ද දැනුම් දී තිබේ.
ඉන්දියාව විසින් ඩොලර් මිලියන 1400ක ණය මුදලක් ලබා දීමට එකග වූ බව මුදල් ඇමතිවරයා විසින් අවසන් කැබිනට් මණ්ඩලයට දැනුවත් කර තිබින.
