ශ්‍රී ලංකාවේ නිල සංචිත සහ වත්කම් ප්‍රමාණය (පසුගිය නොවැම්බර් මාසය වන විට) ඇමරිකානු ඩොලර් මිලියන 1587ක් බව සමෘද්ධි හා ව්‍යාපාර සංවර්ධන රාජ්‍ය අමාත්‍ය ශෙහාන් සේමසිංහ පාර්ලිමේන්තුවේදී අද (9)පැවසීය.
විදේශ විනිමය සංචිත ඩොලර් ප්‍රමාණය අමෙරිකානු ඩොලර් මිලියන 1009.5ක් බවත් ජාත්‍යන්තර මූල්‍ය අරමුදලේ සංචිත ප්‍රමාණය ඩොලර් මිලියන 67ක් බවත් හෙතෙම පැවැසුවේය .
රටේ පවතින රත්රන් සංචිතයේ වටිනාකම ඇමරිකානු ඩොලර් මිලියන 382ක් බවද ඔහු කීය.
ඩොලර් හිගය මගහරවා ගැනීමට විදේශීය රාජ්‍ය සමග ඇතිකරගත් මුදල් හුවමාරු එකගතා පිළිබඳවද ශෙහාන් සේමසිංහ මෙහිදී කරුණු පැහැදිලි කලා.
මේ අතර කොළඹ වරායෙන් නිදහස් කරගැනීමට නොහැකිව පවතින කන්ටේනර් තුළ, දැනට මෙරටට ආනයනය කිරීමට සීමා පණවා නොමැති ද්‍රව්‍ය ඇති නම් ඒවා නිදහස් කර දීමට අවශ්‍ය විදේශ විනිමය මුදා හැරීමට රජය සූදානම් බවයි ශෙහාන් සේමසිංහ වැඩිදුරටත් සඳහන් කලේ.
