වසංගත සම්බන්ධයෙන් විශේෂිත නීති සම්මත කරගත් ඔස්ටේ්‍රලියාවේ පළමු ප්‍රාන්තය බවට වික්ටෝරියා ප්‍රාන්තය අද පත්වුණා.
ඒ දීර්ඝ කාලයක් පුරා ආන්දෝලනයට තුඩුදුන් විශේෂ වසංගත පණත වික්ටෝරියා ප්‍රාන්ත පාර්ලිමේන්තුවේදී අද සම්මතවීමත් සමගයි.
කෙටුම්පතට පක්ෂව ඡන්ද 20 ක් ලැබුණු අතර විරුද්ධව හිමිවූයේ ඡන්ද 18 ක් පමණයි.
මේ අනුව මින් ඉදිරියට ප්‍රාන්තය තුළ වසංගත තත්වයන් හිදී නියෝග පැණවීමේ බලය හිමිවන්නේ ප්‍රධාන සෞඛ්‍ය වෛද්‍ය නිළධාරියාට නොව ප්‍රාන්ත අගමැතිවරයාට සහ සෞඛ්‍ය ඇමතිවරයාටයි.
මෙම පණත් කෙටුම්පතට එරෙහිව දීර්ඝ කාලයක් පුරා මෙල්බන් නගරයේ විරෝධතාද පැවැත්වුණා.
අද නව නීතිය සම්මත වූයේ සංශෝධන කිහිපයක්ද සහිතවයි.
