ඔමික්‍රොන් නව කොවිඩ් ප්‍රභේදය කළමණාකරණය ගැනීමට හැකිවනු ඇතැයි ඔස්ටේ්‍රලියා රජය විශ්වාසය පළකරනවා.
සෞඛ්‍ය අමාත්‍ය ග්‍රෙග් හන්ට් සඳහන් කලේ ඒ අනුව දැනට සැළසුම් කර ඇති පරිදි දෙසැම්බර් 15 වනදා නැවතත් දේශ සීමා විවෘත කිරීමට හැකිවනු ඇති බවයි.
හෙට සිට පුහුණු ශ්‍රමිකයන් – ජාත්‍යන්තර සිසුන් ඇතුලු වලංගු වීසා බලපත් ලාභීන් ගෙන්වා ගැනීමට ඔස්ටේ්‍රලියා රජය ගෙන තිබූ තීරණය කල් දැමීමට සිදුවූයේ දරුණු නව කොවිඩ් ප්‍රභේදය හේතුවෙනුයි.
කෙසේවෙතත් ඉදිරි දින 14 ක කාලය ඇතුළත නව ප්‍රභේදයට එරෙහිව ගත හැකි උපරිම පියවර ගන්නා බවට සෞඛ්‍ය අමාත්‍යවරයා සහතික වනවා.
හැකි ඉක්මණින් දේශ සීමා විවෘත කිරීම ෆෙඩරල් රජයේ සැළසුම බවද ග්‍රෙග් හන්ට් ප්‍රකාශ කලා.
දැනට ඔස්ටේ‍රලියාවෙන් ඔමික්‍රොන් ප්‍රභේදය ආසාධිතයන් 06 දෙනෙකු වාර්තා වී තිබෙනවා.
