අනන්‍යතාවය හෙළි නොකරන සමාජ මාධ්‍ය පරිශීලකයන් (anonymous users) ගේ අනන්‍යතාවය හෙළි කිරීමට සමාජ මාධ්‍ය වෙත බලපෑම් කල හැකි නව පණතක් සම්මත කර ගැනීමට ඔස්ටේ්‍රලියාව සූදානම් වනවා.
මේ අනුව අපහාස නඩු පැවරිමකදී සමාජ මාධ්‍ය සමාගම්වලට අදාළ තොරතුරු ලබාදීම බලකිරීමේ නියෝග අධිකරණ හරහා නිකුත් කිරීමේ බලතල පැවරෙනු ඇති.
එමෙන්ම පරිශීලකයන් පළ කරන දෑ හි සියලු වගකීම් සමාජ මාධ්‍ය ජාල වෙත පැවරීමද මෙමගින් සිදුවනවා.
නව නීතියේ දළ කෙටුම්පත මෙම සතියේදී නිකුත් කෙරෙන අතර ලබන සතියේදී පාර්ලිමේන්තුවට ඉදිරිපත් කරන බව ඔස්ටේ්‍රලියා අගමැති ස්කොට් මොරිසන් සඳහන් කරනවා.
ඔහු අවධාරණය කරන්නේ සැබෑ ජීවිතය සහ සමාජ මාධ්‍ය ජීවිතය අතර ඇති පරතරය අවම කිරීමේ අරමුණින් මෙම පියවර ගන්නා බවයි.
කිසියම් අයෙකු සමාජ මාධ්‍ය හරහා අපහසුතාවයට පත් වන්නේ නම් ඒ පිළබිඳ පැමිණිලි කල හැකි නව ක්‍රමවේදයක්ද යෝජිත පණතට ඇතුළත්.
https://www.abc.net.au/news/2021-11-28/social-media-laws-online-trolls/100657004
