ස්වකැමැත්තෙන් මරණයට පත්වීමේ නීතිය නිවු සවුත් වේල්ස් පාර්ලිමේන්තුවේ පහළ මන්ත්රී මණ්ඩලයේදී සම්මත වී තිබෙනවා.
ඒ 52 ට 32 ක් ලෙසයි.
මේ අනුව කෙටුම්පත ඉහළ මන්ත්රී මණ්ඩලයට යොමුකර එහිදී අනුමත වුවහොත් නීතියක් බවට පත්වී නිවු සවුත් වේල්ස් ප්රාන්තය තුළ ක්රියාත්මක වීම ආරම්භ වනු ඇති.
කෙසේවෙතත් මෙම පණත සඳහා නිවු සවුත් වේල්ස් අගමැති Dominic Perrottet සිය විරුද්ධත්වය පළකර තිබුණා.
සුව කල නොහැකි රෝගයකින් පෙළෙන්නේ නම් එන්නතක් ලබාගැනීම හරහා සිය කැමැත්තෙන්ම මරණය අත්කර ගැනීම සඳහායි මෙම කෙටුම්පතින් අනුමැතිය හිමිවන්නේ.
කෙසේවෙතත් ඒ සඳහා රෝගී තත්වයෙන් පසුවන්නා වයස අවුරුදු 18 ට වැඩිවිය යුතු අතර යහපත් මානසික තත්වයකින් පසුවිය යුතුයි.
එමෙන්ම ඉදිරි මාස 06 ත් 12 ත් ඇතුළත මරණය සිදුවිය හැකි බවට වෛද්යවරුන් නිර්දේශ කර තිබිය යුතු වනවා.