ඔස්ටේ්රලියාව සහ නවසීලන්තය අතර ක්රියාත්මක කිරීමට සැළසුම් කර තිබූ ගුවන් වාර 1000 කට වැඩි සංඛ්යාවක් අවලංගු කිරීමට නවසීලන්තයේ ජාතික ගුවන් සේවය වන Air New Zealand කටයුතු කර තිබේ.
ලබන දෙසැම්බර් 31 වනදා දක්වා සැළසුම් කර තිබූ ගුවන් වාර මෙලෙස අවලංගු කර ඇත්තේ දේශ සීමා විවෘත කිරීම හෝ නොකිරීම පිළිබඳ අවිනිශ්චිත භාවය හේතුවෙනුයි.
මෙමගින් ගුවන් මගීන් 20,000 කට වැඩි පිරිසකට බලපෑම් එල්ලවනු ඇති බවට අනාවැකි පළවේ.
නත්තල් සමයේදී සිය ඥාතීන් සමග එක්ව කාලය ගත කිරීමට සැළසුම් කර තිබූ විශාල පිරිසකට මෙම තීරණය හමුවේ බලපෑම් එල්ලවනු ඇති බව සඳහන්.
නවසීලන්තයේ සිට සිය රටට පැමිණෙන බොහෝ පිරිසකට නිරෝධායනය අදාළ නොකිරීමට ඔස්ටේ්රලියාව කටයුතු යොදා ඇතත් නවසීලන්තය අනිවාර්ය නිරෝධායනය සම්බන්ධයෙන් දැඩි පිළිවෙතකුයි අනුගමනය කරන්නේ.