මීට මාස කිහිපයකට පෙර නවසීලන්තයේදී දරු ප්‍රසූතියේදී මියගිය නිලක්ෂිනී සිල්වා ගේ සැමියා වන චරිත මීපාගම එරට ස්ථිර පදිංචිය අපේක්ෂා කරන බව නවසීලන්ත වාර්තා පවසනවා.
ඔහු සඳහන් කර ඇත්තේ බිරිඳ සහ දියණිය භූමදානය කල සුසානභූමිය වෙත තමන් සෑම දිනකම යන බවයි.
තමන්ට නවසීලන්තයේ ස්ථිර පදිංචිය නොලදහොත් එම කටයුතු සිදුකිරීමට කිසිවෙකු මෙහි නොමැති බවද චරිත මීපාගම සඳහන් කර සිටී.
2009 වසරේදී හමුවී ඇති චරිත සහ නිලක්ෂිනි වසරකට පමණ පසු විවාහ වී මීට වසර 04 කට පමණ පෙර නවසීලන්තයට පැමිණ තිබිණ.
චරිත ට නේවාසික වීසා බලපත්‍රයක් ලබාගැනීම සඳහා අවශ්‍ය සෑම සහයෝගයක්ම සපයන බවට ඔහුගේ රැකියා ස්ථානයේ හිමිකරුද සඳහන් කර ඇත.
