වයස අවුරුදු 6ත් 11ත් අතර ළමුන් සඳහා තාවකාලිකව Moderna එන්නත ලබාදීමට ඕස්ට්‍රේලියානු ඖෂධ සහ චිකිත්සක නියාමන අධිකාරිය තීරණය කර තිබෙනවා.
ඔස්ට්‍රේලියාව සිය පළමු කොවිඩ් එන්නත් ලබාගත් ප්‍රතිශතය 90% ඉක්මවීමට නියමිත වීම නිසා අද දිනය සුවිශේෂී දිනයක් වන බව සෞඛ්‍ය අමාත්‍ය Greg Hunt සඳහන් කලා.
මේ අතර තවදුරටත් ආසාදිතයින් වාර්තා වුවහොත් Gold Coast හි COVID සීමා දැඩි කිරීමට සිදුවන බව ක්වීන්ස්ලන්ත ප්‍රාන්ත අග්‍රාමාත්‍යවරිය සඳහන් කරනවා.
ක්වීන්ස්ලන්ත ප්‍රාන්තයෙන් නව ආසාදිතයින් දෙදෙනකු හමුවී ඇති අතර එක් අයකු මේ වනවිට හඳුනාගෙන ඇති කොවිඩ් පොකුරට සම්බන්ධ නොවේ.
කැන්බරා හි නීති විරෝධී Halloween උත්සවයකට සහභාගී වූ පුද්ගලයින් 33 දෙනෙකු හට කෝවිඩ් වෛරසය වැළඳී ඇතැයි වාර්තා වනවා.
