දේශගුණ විපර්යාසවලට එරෙහිව කටයුතු කිරීම සඳහා සිය පැසිෆික් කලාපීය මිතුරු රටවලට ඩොලර් බිලියන 02 ක ආධාර සැපයීමට ඔස්ටේ්‍රලියාව තීරණය කර තිබේ.
ඉතාලියේ පැවැත්වෙන දේශගුණ විපර්යාස සමුලුව අමතමින් අගමැති ස්කොට් මොරිසන් එය නිවේදනය කලේය.
2030 වසර වනවිට ඔස්ටේ්‍රලියාව තුළ කාබන් විමෝචනය සියයට 30 කින්ද 2050 වසර වනවිට මුලුමනින්ම ද කපා හරින බවටයි අගමැතිවරයා මෙහිදී සහතික වූයේ.
කාබන් විමෝචනය වැළැක්වීම සඳහා ඔස්ටේ්‍රලියාව වාර්ෂිකව වැය කරන මුදල ඩොලර් බිලියන 03 ක් පමණ වන බවටයි තක්සේරු කර ඇත්තේ.
මේ අතර 2070 වසර වනවිට කාබන් ඇතුලු වායු විමෝචනය මුලුමනින්ම නතර කරන බවට ඉන්දියාව ග්ලාස්ගොව් හි පැවැත්වෙන ලෝක දේශගුණ විපර්යාස සමුලුවේදී සහතික වී තිඛෙනවා.
ඉන්දීය අග්‍රාමාත්‍ය නරේන්ද්‍ර මෝදි මහතා විසිනුයි සමුලුව අමතමින් එම දැනුම්දීම සිදුකරනු ලැබුවේ.
කාබන් විමෝචනය කප්පාදු කරන බවට ඉන්දියාව විසින් ජාත්‍යන්තර සමුලුවකදී පොරොන්දු වූ පළමු අවස්ථාවද මෙයයි.
කෙසේවෙතත් එක්සත් ජාතීන්ගේ සංවිධානයේ ඉලක්කය වන්නේ 2050 වනවිට එම ඉලක්කය සපුරා ගැනීමයි.
චීනය විසින් 2060 වසරේදීත් යුරෝපා සංගමය හා අමෙරිකාව 2050 වනවිටත් එම ඉලක්ක සපුරා ගන්නා බවට සහතික වී තිඛෙනවා.
pic – SYDNEY MORNING HERALD
