නිවු සවුත් වේල්ස් ප්රාන්තයේ පාසල්වල අධ්යයන කටයුතු හෙට සිට ආරම්භ කෙරුණද ගුරුවරුන් සැළකිය යුතු පිරිසකට මේ දක්වා එන්නත ලබාදී නොමැති බව හෙළිවෙයි.
02 – 11 දක්වා ශ්රේණවල අධ්යයන කටයුතු පාසල්වලම සිට හෙට ආරම්භ කෙරේ.
එහෙත් මේ දක්වා එන්නත ගෙන නොමැති ගුරුවරුන් විශාල පිරිසක් ඉගැන්වීම් සඳහා නොපැමිණෙනු ඇති බවටයි අනතුරු ඇගවෙන්නේ.
නිවු සවුත් වේල්ස් ප්රාන්ත රජය මීට පෙර දන්වා තිබුණේ ගුරුවරුන් නොවැම්බර් 08 වනදා වනවිට දෙවන මාත්රාව ලබාගෙන තිබිය යුතු බවයි.
මේ දක්වා ගුරුවරුන් 3000 ක් පමණ එන්නත ලබාගෙන නොමැති බවද වාර්තාවල සඳහන්.
නිවු සවුත් වේල්ස් සෞඛ්ය අංශ වාර්තා අනුව ප්රාන්තයේ සියයට 93 ක් පළමු මාත්රාවද සියයට 84.4 ක් මාත්රා දෙකමද ලබාගෙන අවසන්.