සිංගප්පූරුව සමග සංචාරක බුබුළක් ඇති කරගැනීමට ඔස්ටේ්‍රලියාව තීරණය කර තිබෙනවා.
ඊට අදාළ තොරතුරු ලබන සතියේදී ප්‍රකාශයට පත් කරන බවයි අග්‍රාමාත්‍ය ස්කොට් මොරිසන් සඳහන් කලේ.
මේ අනුව ඔස්ටේ්‍රලියාවට පැමිණීමට අවසර හිමිවන දෙවන පුරවැසියන් බවට සිංගප්පූරු ජාතිකයන් පත්වනු ඇති.
දැනට නවසීලන්ත ජාතිකයන්ට පමණක් ඔස්ටේ්‍රලියාවට නිදහසේ පැමිණිමට අවසර පවතිනවා.
ලබන මාසයේදී දේශ සීමා විවෘත කිරීමේ ඔස්ටේ්‍රලියා රජයේ සැළසුමේ එක් අධියරක් ලෙසයි සිංගප්පූරුව සමග මෙම සංචාරක බුබුළ ඇති කර ගැනෙන්නේ.
මේ යටතේ ශිෂ්‍ය සහ රැකියා වීසා සහිත සිංගප්පූරු ජාතිකයන්ටද ඔස්ටේ්‍රලියාවට පැමිණීමට අවස්ථාව උදාවනු ඇති.
