කලින් ප්‍රකාශයට පත්කල දිනයට සතියකට පෙර අන්තර්ජාතික ගුවන් ගමන් ආරම්භ කිරීමට Virgin Australia ගුවන් සේවය තීරණය කර තිබේ.
ඒ අනුව ඔස්ටේ්‍රලියාව සහ ෆිජී අතර ගුවන් ගමන් ලබන දෙසැම්බර් 16 වනදා සිට ආරම්භ කිරීමට නියමිතයි.
කලින් සැළසුම් කර තිබුණේ එය දෙසැම්බර් 23 වනදා සිට ආරම්භ කිරීමටයි.
පලමුවෙන් සිඩ්නි සහ Nadi අතර ගුවන් ගමන් දෙසැම්බර් 16 වනදාත් / මෙල්බර්න් සහ Nadi අතර ගුවන් ගමන් 17 වනදාත් / බ්‍රිස්බන් සහ Nadi අතර ගුවන් ගමන් දෙසැම්බර් 18 වනදාත් ආරම්භ කෙරෙනු ඇති.
කොවිඩ් තත්වය හමුවේ වසා දමන ලද ඔස්ටේ්‍රලියා දේශ සීමා නැවත විවෘත කිරීමත් සමග කාලසටහනකට අනුව වර්ජින් ගුවන් සේවය විසින් ගුවන් ගමන් ආරම්භ කරන පළමු අවස්ථාව මෙයයි.
දෙසැම්බර් පළමුවනදා සිට ඔස්ටේ්‍රලියාව ඇතුලු රටවල් කිහිපයක සංචාරකයන්ට සිය දේශ සීමා විවෘත කරන බව ෆිජී රාජ්‍යය නිවේදනය කර තිබේ.
