වසර අවසානයේ දී ඔස්ටේ්රලියාවේ දේශ සීමා නැවත විවෘත කිරීමේ සූදානමත් සමග සංචාරක හා ගුවන් ගමන් ක්ෂේත්රවල නැවත පිබිදීමක් සිදුවනු ඇති බවට අනාවැකි පළවෙයි.
නත්තල් නිවාඩුවට දින 100 කටත් අඩු කාලයක් පවතින බැවින් වසර 02 කට පසු සිය නත්තල් නිවාඩු සැළසුම් නැවතත් ක්රියාත්මක කිරීමට ගුවන් මගීන්ටද අවස්ථාව උදාවේ.
බොහෝ ගුවන් යානා සහ සංචාරක නියෝජිත ආයතන මේ වනවිටත් ලහි ලහියේ සිය මූලික කටයුතු ආරම්භ කර ඇති අතර බොහෝ ගමනාන්තවල ගුවන් ගමන් ගාස්තුද කැපී පෙනෙන ලෙස අඩු කර තිබේ.
Pic – 7news
එමෙන්ම දේශ සීමා විවෘත කල වහා ක්වන්ටාස් ගුවන් සේවයද ලොස් ඇන්ජලීස් – සිංගප්පූරුව – ලන්ඩන් – ටෝකියෝ – ෆිජී සහ නවසීලන්තය යන රටවල් හා නගර වෙත ගුවන් ගමන් අරඹන බව දැනටමත් ප්රකාශ කර අවසන්.
කෙසේවෙතත් ආරම්භයේදී පූර්ණව මගී ධාරිතාවයක් අපේක්ෂා නොකෙරෙන අතර කොවිඩ් වසංගතය ආරම්භයට පෙර පැවති තත්වයට පත්වීමට ලබන වසරේ මැද භාගය පමණ වනු ඇති බවට අනාවැකි පළවේ.
ගුවන් ටිකට්පත් මිළයට ගැනීමේදී ගුවන් මගීන් අවධානය යොමුකල යුතු කරුණු 04 ක් පිළිබඳවද දැනුම්දීමක් සිදුකෙරේ.
ඇතැම්විට ගුවන් ගමන් අවලංගු කල හැකි බැවින් මුදල් නැවත ලබාගැනීම (Refund) ගත හැකි ද යන්න විමසා බැලීම ඉන් ප්රධාන කරුණක් වනවා.
ඊට අමතරව Travel Insurance එකක් ලබාගැනීමද අවධානය යොමුකල යුතු කරුණක් බවයි ගුවන් හා සංචාරක නියෝජිත ආයතන දන්වා සිටින්නේ.
Pic – 7news