මව්බිමට එන්න බලන් ඉන්න ලාංකිකයන්ට අලුත් පණිවුඩයක් – AusLanka TV – Australian News for the Sri Lankan community

මව්බිමට එන්න බලන් ඉන්න ලාංකිකයන්ට අලුත් පණිවුඩයක්

මව්බිමට එන්න බලන් ඉන්න ලාංකිකයන්ට අලුත් පණිවුඩයක්

කොවිඩ් මර්දන එන්නත් මාත්‍රා දෙකම ලබාගෙන දිවයිනට පැමිණෙන ශ්‍රි ලාංකිකයන් කටුනායක ගුවන්තොටුපලේදී සිදුකරන පී සී ආර් පරික්ෂණයෙන් කොවිඩ් ආසාදිතයෙකු නොවන බව තහවුරු වුවහොත් නිරෝධායනය වීමකින් තොරව එදිනම නිවෙස් වෙත යාමට අවසර දීම සදහා වන ක්‍රමවේදයක් මේවනවිට සකස් කරමින් සිටින බව සංචාරක අමාත්‍ය ප්‍රසන්න රණතුංග පවසනවා.

කෙසේ වෙතත් දිවයිනට පැමිණෙන විදෙස් සංචාරකයින් සදහා මෙම වැඩපිළිවෙල ලබන සෙනසුරාදා (24) සිට ආරම්භ වන බවයි අමාත්‍යවරයා සදහන් කළේ.

කටුනායක ගුවන්තොටුපලේ ස්ථාපිත කළ නව පී සී ආර් පරික්ෂණාගාරය විවෘත කිරීමේ අවස්ථාවට අද එක්වෙමිනුයි අමාත්‍ය ප්‍රසන්න රණතුංග මේ බව කියා සිටියේ.

එළැඹෙන සෙනසුරාදා සිට මෙරටට පැමිණෙන සංචාරකයින් සඳහා මෙම පරීක්ෂණාගාරයේ දී පී.සී.ආර් පරීක්ෂණ සිදු කෙරෙනු ඇති.

ඒ සදහා අමරිකානු ඩොලර් 40ක මුදලක් අයකරන අතර පැයකට පී.සී.ආර් පරීක්ෂණ 500 ක් බැගින් දිනකට පී.සී.ආර් පරීක්ෂණ 7000ක් මෙම පරීක්ෂණගාරය තුළ සිදුකිරීමට නියමිතයි.

පැය තුනක් වැනි කෙටි කාලයක් තුළ පී.සී.ආර් පරීක්ෂණ වාර්තාව නිකුත් කිරීම මෙහිදී සිදුකෙරෙනවා.

අදාල සංචාරකයා එම වාර්තාවට අනුව අදාල සංචාරකයා ආසාදිතයෙකු නොවන බව තහවුරු වුවහොත් සහ ඔහු පූර්ණ එන්නත්කරණයට ලක්වූවෙක් නම් පමණක් නිරෝධායනය වීමකින් තොරව රටතුල සංචාරය කිරීමට අවසර හිමිවන බවයි අමාත්‍ය ප්‍රසන්න රණතුංග කියා සිටියේ.