ශ්‍රී ලාංකික යොවුන් ගායිකා යොහානි සමඟ සතීෂන් ගැයූ ‘මැණිකේ මගේ හිතේ’ ගීතය යූටියුබ් ගෝලීය සංගීත දර්ශකයේ මුල් ගීත 10 අතරට පිවිස තිබෙනවා.
එය මේ සතියේ 07 වන ස්ථානයේ පසු වෙන අතර, මේ වෙනවිට ගීතයේ නැරඹුම් වාර සංඛ්‍යාව මිලියන 116 ඉක්මවා අවසන්.
මේ අතර, අමෙරිකාවේ ජනාකීර්ණ වීථිවලට ද ‘මැණිකේ මගේ හිතේ’ ගීතය පිවිසී ඇති බව වාර්තා වුණා.
ඇමෙරිකාවේ ජීවත්වන ප්‍රකට යුක්රේන යොවුන් වයලීන් වාදන ශිල්පිණී Karolina Protsenko කැලිෆෝනියාවේ – සැන්ටා මොනිකා හි වීථියක දී ‘මැණිකේ මගේ හිතේ’ ගීතය වාදනය කළේ විශාල පිරිසක් ආකර්ශනය කර ගනිමින්.
