Greater Sydney කලාපය තුළ මෙතෙක් ක්‍රියාත්මක වූ කොවිඩ් මර්දන රෙගුලාසි එකම ආකාරයකින් ක්‍රියාත්මක වීම හෙට සිට ආරම්භ කෙරේ.
ඒ අනුව දැනට අධි අවධානම් ප්‍රදේශ ලෙස නම් කර ඇති LGA 12 ක් සහ සිඩ්නි හි අනෙකුත් Lockdown කර ඇති ප්‍රදේශවල එක හා සමාන නීති මාලාවක් හෙට එනම් සඳුදා සිට බලාත්මක වනු ඇත.
එහිදී නිවසින් පිටත ශරීර සුවතා සඳහා සීමාවක් බල නොපැවැත්වෙන අතර කිලෝමීටර් 05 ක වපසරිය තුළ අත්‍යවශ්‍ය කටයුතු සඳහා පිටත්ව යාමට අවසර ලැබෙන බවයි නිවු සවුත් වේල්ස් ප්‍රාන්ත අගමැතිනී Gladys Berejiklian කියාසිටියේ.
කුඩා විවාහ මංගල උත්සවයකට සහභාගීවීමටද සිඩ්නි නගරවාසීන්ට මේ අනුව අවසර ලැබේ.
සැප්තැම්බර් 27 වනදා සිට ප්‍රාන්තයේ සියලුම ජල තටාක විවෘත කිරීමටද නියමිතය.
