ජාත්‍යන්තර දුරකථන ඇමතුම් ජාවාරමකට සම්බන්ධ මෙල්බර්න් පදිංචිකරුවන් 06 දෙනෙකුට චෝදනා ගොණු කර තිබේ.
මෙමගින් ඔස්ටේ්‍රලියානුවන් දහස් සංඛ්‍යාත පිරිසක් වින්දිතයන් බවට පත්ව ඇතැයි විශ්වාස කෙරේ.
කිසියම් දුරකථන සමාගමක නියෝජිතයෙකු ලෙස පෙනී සිටිමින් පාරිභෝගිකයන්ට ඇමතුම් ලබාදීමයි මෙහිදී සිදුවී ඇත්තේ.
දැනට භාවිත කරන phone plan වෙනුවට ඉතා අඩු මිළ ගණන් phone plan සහ discounts ලබාදෙන බවට වංචනිකව මුලා කිරීමද සිදුව ඇතැයි සඳහන්.
පසුව පාරිභෝගිකයාට නවතම ජංගම දුරකථනයක් දෙන බව පවසා ඔවුන්ගේ ක්‍රෙඩිට් කාර්ඩ් තොරතුරු ලබාගෙන මුදල් වංචා කර තිබෙනවා.
වික්ටෝරියා පොලිසිය වසරක් පමණ මෙම විමර්ශනය කර ඇත්තේ Australian Border Force, Australia Post, Toll, Optus, TPG Telecom & Telstra හි සහයෝගය ඇතිවයි.
අත්අඩංගුවට පත්වූවන් අතර Clayton (49) / Maidstone (35) / Keysborough (35) / Springvale South (25) / Box Hill (24) & Clayton (32) වනවා.
