ඉදිකිරීම් (construction) ක්ෂේත්රයේ නිරත වික්ටෝරියා වාසීන්ට කොවිඩ් එන්නත ලබාගැනීමට තවත් ඉතිරිව ඇත්තේ සතියක කාලයක් පමණක් බව ප්රාන්ත අගමැති ඩැනියල් ඇන්ඩෲස් අද පැවසීය.
ලබන 23 වනදා වනවිට පළමු මාත්රාව හෝ ගෙන නොමැති කිසිදු ඉදිකිරීම් සේවකයෙකුට රැකියා ස්ථානයට පැමිණීමට අවසර නොදෙන බවයි අගමැතිවරයා අවධාරණය කලේ.
ප්රාන්තයේ ඉදිකිරීම් වැඩබිම් ආශ්රිතව සැළකිය යුතු කොවිඩ් ආසාධිතයන් පිරිසක් හමුවීම මීට හේතුව බවටයි අද පැවති මාධ්ය හමුවකදී ඔහු ප්රකාශ කලේ.
පසුගිය සතියේදී වික්ටෝරියා රජය නිවේදනය කලේ ඉදිකිරීම් සේවකයන් ප්රමුඛ සේවකයන් සළකා එන්නත ලබාදීමට පියවර ගන්නා බවයි.
ඒ අනුව ඔවුන්ට කලින් වෙන් කරවා ගැනීමතින් තොරව එන්නත ලබාගැනීමට පවා වික්ටෝරියා ප්රාන්ත රජය පහසුකම් සළසා තිබේ.
