මෙල්බර්න් CBD හි ත්‍රස්ත ප්‍රහාරයක් සිදුකිරීමට සැළසුම් කල පුද්ගලයන් 03 දෙනෙකුට වසර 10 ක සිර දඩුවම් අද නියම කෙරිණ.
Hanifi Halis, Samed Eriklioglu & Ertunc Eriklioglu යන 03 දෙනාට මෙම දඩුවම් නියමවූයේ ඔවුන් තමන්ට එරෙහි චෝදනා පිළි ගැනීමත් සමගයි.
2018 වසරේ නොවැම්බර් මාසයේදී මොවුන් අත්අඩංගුවට ගෙන තිබිණ.
ඒ වනවිටත් මෙම සැකකරුවන් 03 දෙනා ත්‍රස්ත ප්‍රහාරයක් සැලසුම් කරමින් සිටි බව වික්ටෝරියා පොලිසිය පැවසීය.
ඔවුන් විසින් අර්ධ ස්වයංක්‍රීය ගිණි අවියක් යොදා ගනිමින් මෙම ප්‍රහාරය සැලසුම් කර තිබූ බවටද වාර්තා විය.
2018 වසරේ නොවැම්බර් 09 වනදා Bourke Street හිදී සිදුවූ ත්‍රස්ත ප්‍රහාරයත් සමග ඒ හා සමාන ප්‍රහාරයක් එල්ල කිරීමයි මොවුන්ගේ සැලසුම වී තිබුණේ.
ප්‍රහාරයෙන් පසුව IS සංවිධානය සමග එකතුවීමට රටින් පළායාමද මොවුන්ගේ සැලසුමට අයත් වී තිබේ.
Pic – 09News
