නිවු සවුත් වේල්ස් ප්‍රාන්තයට වැඩිපුර කොවිඩ් එන්නත් මාත්‍රා දීමට ගෙන ඇති තීරණය මුලුමනින්ම අසාධාරණ බව වික්ටෝරියා ප්‍රාන්ත අගමැති ඩැනියෙල් ඇන්ඩෲස් පවසයි.
තම ප්‍රාන්තයට ලැබිය යුතු මාත්‍රා විශාල ප්‍රමාණයක්ද ඔවුන් විසින් අත්පත් කරගෙන ඇති බවටයි අගමැතිවරයා චෝදනා කර සිටින්නේ.
ප්‍රාන්ත අගමැතිවරුන් සමග තමන් අත්සන් කරනු ලැබුවේ ජාතික එන්නත්කරණ වැඩපිළිවෙලකට මිස සිඩ්නි නගරයට පමණක් එන්නත්කරණය කිරීමේ වැඩපිළිවෙලකට නොවන බවටද ඩැනියල් ඇන්ඩෲස් චෝදනා කර සිටිනවා.
වික්ටෝරියා ප්‍රාන්තයට ලබාදීමට එකග වී තිබූ කොවිඩ් මර්දන මාත්‍රා 340,000 ක් නිවු සවුත් වේල්ස් ප්‍රාන්තයට ලබාදී ඇති බවයි අගමැතිවරයා පෙන්වා දෙන්නේ.
ලබාදීමට එකගවූ එන්නත් මාත්‍රා නියමිත පරිදි ලැබෙන්නේ නම් සියයට 70 – 80 ඉලක්කය සපුරා ගැනීම අසීරු නොවන බවද වික්ටෝරියා ප්‍රාන්ත අගමැති ඩැනියෙල් ඇන්ඩෲස් සඳහන් කර සිටී.
