ඇෆ්ඝනිස්ථානයෙන් සිය පුරුවැසියන් ඉවත් කරගැනීමේ කටයුතු පහසු කිරීම සඳහා වහාම අමතර භට පිරිස් 250 ක් මැදපෙරදිගට යොමු කිරීමට ඔස්ටේ්‍රලියා රජය පියවර ගෙන තිබේ.
ආරක්ෂක දෙපාර්තමේන්තුව නිවේදනය කලේ අද පස්වරුවේ බ්‍රිස්බන් නුවරින් ගුවන් යානයක් ඒ සඳහා පිටත්ව යාමට නියමිත බවයි.
දශක 02 ක් පුරා පැවති ඇෆ්ඝන් යුද්ධයේදී අමෙරිකා භට පිරිස් වෙත සහය දැක්වූ ප්‍රධාන පාර්ශවයක් වන්නේ ඔස්ටේ්‍රලියාවයි.
මේ අතර කාබුල් ගුවන් තොටුපලේ හටගත් නොසන්සුන්තාවයක් පාලනයට අමෙරිකානු භට පිරිස් අහසට වෙඩි තබා තිබේ.
ගුවන් යානයකට පිවිස රටින් පළා යාමට ඇෆ්ඝන් වැසියන් උත්සාහ දැරීමයි ඊට හේතුව වන්නේ.
කාබුල් අගනුවර පාලනය මේ වනවිට පවතින්නේ තලේබාන් පාලනය යටතේයි.
