ඩෙල්ටා ව්‍යාප්තියත් සමගින් මිලියන 25ක සමස්ත ඔස්ට්‍රේලියානු ජනගහණයෙන් 60%ක් එනම් අඩකටත් වඩා මේ වන විට දිවි ගෙවන්නේ Lockdown සීමා යටතේය.
රටවල් 135ක් පුරා පැතිර ඇති ඩෙල්ටා ව්‍යාප්තිය හමුවේ සතියයක් තුළ කොවිඩ් ආසාදිතයින් ලක්ෂ 40ක් වාර්තා වී ඇති බව විදෙස් මාධ්‍ය පවසයි.
මාස හයකට පසුව අමෙරිකාවේ වැඩිම ආසාදිතයින් ඊයේ වාර්තා වූ බව ද වාර්තා විණි.
ලොව පුරා ව්‍යාප්තව ඇති ඩෙල්ටා ප්‍රභේදය හේතුවෙන් ජූලි 26 සිට අගෝස්තු 1 වැනිදා දක්වා සතියක කාලය තුළ ගෝලීය කොවිඩ් ආසාදිතයන් ලක්ෂ 40කට වඩා වාර්තා වී ඇතැයි ලෝක සෞඛ්‍ය සංවිධානය සඳහන් කරයි.
අමෙරිකාවේ ප්‍රමුඛ පෙළේ වසංගත රෝග විශේෂඥයෙකු වන වෛද්‍ය ඇන්තනි ෆවුචි අනතුරු අඟවන්නේ ඉදිරි සතිය තුළ දෛනික ආසාදිතයන් ලක්ෂ 2 දක්වා ඉහළ යා හැකි බවය.
මේ අතර, 2019 අගභාගයේදී වූහාන් නගරයෙන් කොවිඩ් හඳුනාගැනීමට පෙර ලොව ස්ථාන කිහිපයක වෛරසය සංසරණය වී ඇති බවට පර්යේෂණයකින් අනාවරණ වී ඇතැයි චීන සීජීටීඑන් නාලිකාව වාර්තා කළේය.
