වික්ටෝරියා ප්‍රාන්තයේ Lockdown නියෝග හේතුවෙන් රැකියා අහිමි වූ සේවකයින්ට සාමාන්‍ය ගෙවීමට අමතර COVID-19 අතිරේක ගෙවීම් සඳහා අද සිට අයදුම් කළ හැකිය.
අවම වශයෙන් පැය 8 ක සේවා පැය ගණනක් අහිමි වූ සේවකයින්ට අතිරේක ගෙවීම් සඳහා අයදුම් කළ හැකිය.
ගතවූ පැය 24 තුළ සිදුකළ කොරෝනා පරීක්ෂණ හරහා වික්ටෝරියානු ප්‍රාන්තයේ ප්‍රජාව අතරින් ආසාදිතයින් 04 ක් හමුව ඇති බව වික්ටෝරියා සෞඛ්‍ය දෙපාර්තමේන්තුව පවසයි.
මේ අනුව මේ වන විට වික්ටෝරියා ප්‍රාන්තයේ සිටින සක්‍රිය කොරෝනා ආසාදිතයින් සංඛ්‍යාව 124 කි.
ඊයේ දිනයේදී (01) වික්ටෝරියා ප්‍රාන්තය තුළ කොරෝනා පරීක්ෂණ 22,217 ක් සිදුකර ඇති අතර කොරෝනා එන්නත් මාත්‍රා 16,591 ක් ලබා දී තිබේ.
