ට්‍රාන්ස් ටස්මන් සංචාරක බුබුළ විවෘත කිරීමත් සමග ජෙට් ස්ටාර් ගුවන් සේවය අද දිනය තුළදී විශාල වශයෙන් ගුවන් ගමන් ගාස්තු සඳහා වට්ටම් ලබා දී ඇත.
ප්‍රවේශපත්‍ර 250,000 ක් සඳහා මෙම අවස්ථාව උදා කරගත හැකි බව සඳහන්.
මේ අනුව සිඩ්නි – මෙල්බර්න් ගුවන් ගමනක් ඩොලර් 33 ක සිට ආරම්භ වන අතර ගෝල්ඩ් කෝස්ට් – ක්‍රයිස්චර්ච් ගුවන් ගමනක් සඳහා ඩොලර් 185 ක් වැනි අඩු අගයක් අය කෙරේ.
ජෙට්ස්ටාර් හි ප්‍රධාන පාරිභෝගික නිලධාරි ඇලන් මැකින්ටයර් පැවසුවේ “ලෝකයේ වඩාත්ම ආකර්ෂණීය ස්ථාන සමහරක් අපගේ දොරකඩටම ගෙන ඒමට ලැබීම අතිශයින්ම වාසනාවන්තයි” යනුවෙනි.
මෙම ප්‍රවේශපත්‍ර අලෙවිය අද පෙරවරු 9 සිට (AEDT) අප්‍රේල් 26 සඳුදා රාත්‍රී 11.59 දක්වා (AEDT) ක්‍රියාත්මක වේ.
