මස් වෙනුවෙන් වූ විකල්පයන් වෙත අද වන විට ලොව පුරා නැඹුරුවක් දැකිය හැකිවේ.
Dan Riegler මොවුන්ගෙන් එක් අයෙකි. Karana හි සම නිර්මාතෘවරයායි.
Karana යනු මුළුමනින්ම ශාක ආහාර මත පදනම් කර ගත් මස් වෙළෙඳ නාමයකි. එය සිංගප්පූරු start-up එකකි.
Dan Riegler පවසන්නේ ඌරු මස් යනු කලාපයේ වැඩි වශයෙන් පරිභෝජනය කරන මාංශ වර්ගය වන බවත් ඒ සඳහා අවශ්‍යතාවය සපුරාලන ආදේශක මෙතෙක් දැකීමට නොමැති බවත්ය.
ලෝක ඌරු මස් නිෂ්පාදනයෙන් හා පරිභෝජනයෙන් අඩක්ම ආසියාව තුළ සිදුවන අතර වැඩිම ඉල්ලුම ඇත්තේ චීනයෙනි.
මෙහිදී Riegler සහ ඔහුගේ සම-නිර්මාතෘ Blair Crichton මීට පෙර ශාක පදනම් කරගත් මස් සඳහා විකල්ප නිෂ්පාදනය කිරීමට පෙළඹුණි.
එහි ප්‍රතිඵලයක් ලෙසින් මෙම දෙපළ විසින් ඌරු මස් සඳහා ආදේශකයක් සොයා ගැනීමට සමත් වෙයි.
එය ශ්‍රී ලංකාවෙන් ලබාගන්නා කොස්වලින් සාදනු ලබන්නකි.
