කොරෝනා වසංගතය හමුවේ ඔස්ට්‍රේලියාවේ සංක්‍රමණ නතර වීමත් සමඟ ජනගහනයේ සැලකිය යුතු බැස්මක් පවතින බව නවතම ජනගහන දත්ත වලින් අනාවරණය වී ඇත.
ඔස්ට්‍රේලියාවට පැමිණීමට වඩා පසුගිය වසරේ ජූලි සිට සැප්තැම්බර් දක්වා කාලය තුළ වැඩි පිරිසක් රට හැර ගියහ. එමඟින් ජනගහනය 4,200 කින් හෙවත් සියයට 0.2 කින් පහත වැටුණි.
මෙලෙස ජනගහනයේ සැලකිය යුතු අඩුවීමක් වාර්තා වී ඇත්තේ දෙවන ලෝක යුද්ධ සමයෙන් පසු බවයි සඳහන් වන්නේ.
පසුගිය වසරේ සැප්තැම්බර් සිට මාස තුන දක්වා කාලය තුළ පුද්ගලයින් 55,400 ක් ඕස්ට්‍රේලියාවෙන් පිටත්ව ගිය අතර 20,600 ක් පැමිණ ඇත. එනම්, 34,800 දෙනෙකුගේ ඍණාත්මක ශුද්ධ විදේශ සංක්‍රමණ අගයක් වාර්තා වේ.
ජනගහන වර්ධනයෙන් තුනෙන් දෙකක් සඳහා සාමාන්‍යයෙන් සංක්‍රමණය කෙරෙහි විශ්වාසය තබන ඔස්ට්‍රේලියාවේ වසා දමා ඇති දේශ සීමා මෙම ජනගහන බැස්මට හේතු වී ඇත.
වසංගතයට පෙර, වාර්ෂික ජනගහන වර්ධනය සියයට 1.5 ක් පමණ වූ අතර, ඉන් බහුතරය පැමිණෙන්නේ විදේශ සංචාරකයින්ගෙනි.
තවද, ඔස්ට්‍රේලියාවේ උපත් අනුපාතය වසර ගණනාවක් තිස්සේ පහත වැටෙමින් පවතින අතර කොරෝනා සමයේ මෙම තත්වය තවදුරටත් නරක අතට හැරී ඇත.
සංඛ්‍යා ලේඛණ වලට අනුව සැප්තැම්බර් සිට මාස 12 දක්වා කාලය තුළ ස්වාභාවික වැඩිවීම පුද්ගලයින් 135,400 ක් වූ අතර එය පෙර වසරට වඩා 3.8% ක අඩුවීමකි.
බොහෝ විද්‍යාඥයින් පවසන්නේ පසුගිය වසර 26 තුල දැවැන්ත ආර්ථික වර්ධනයක් හිමි කර ගැනීමට ඔස්ට්‍රේලියාවට හැකි වූයේ තාවකාලික සහ ස්ථිර සංක්‍රමණිකයින් ගේ පැමිණීම නිසා බවත් දැන් පවතින සංචාරක තහනම හමුවේ මෙලෙස ජනගහනය අඩුවීම පුදුමයට කරුණක් නොවන බවත් ය.
