ජාත්‍යන්තර ගුවන් ගමන්වල නිරතවීමට නම් කොවිඩ් මර්දන එන්නතක් ලබාගෙන තිබීම අත්‍යවශ්‍ය කිරීමේ යෝජනාවක් ඉදිරිපත්වී තිබෙනවා.
ඔස්ටේ්‍රලියාවේ ජාතික ගුවන් සේවය වන ක්වන්ටාස් හි ප්‍රධාන විධායක නිළධාරී ඇලපන් ජොයිස් මහතා පෙන්වා දෙන්නේ දැනට කඩා වැටී ඇති ගුවන් ගමන් ක්ෂේත්‍රය එමගින් නගා සිටුවිය හැකි බවයි.
මේ පිළිබඳ සෑම රජයක්ම අවධානය යොමුකල යුතුව ඇතැයිද ඔහු අවධාරණය කරනවා.
2019 වසරට සාපේක්ෂව පසුගිය වසරේදී ගුවන් මගීන්ගේ සංඛ්‍යාව සියයට 75 යි දසම 06 කින් පහත වැටී තිබුණා.
ඒ අනුව ගුවන් ගමන් ප්‍රවේශ පත්‍රයක් නිකුත් කිරීමට පෙර එන්නත ලබාගෙන ඇතිද යන පූර්ව කොන්දේසිය හඳුන්වාදීම කෙරෙහි අවධානය යොමුකල යුතුව ඇති බවයි ක්වන්ටාස් සමාගම නිවේදනය කලේ.
