නෝර්වේ ෆයිසර් එන්නත ලබා ගත් 29 දෙනෙකු මිය යද්දී ඕස්ට්‍රේලියාව එන්නත පිළිබඳ වැඩිදුර විමර්ශන අරඹයි!
පසුගිය සිකුරාදා දින වන විට නෝර්වේ රාජ්‍යයේ ෆයිසර් එන්නත ලබාගත් වයෝවෘද්ධ පුද්ගලයින් 29දෙනෙකු මියගොස් තිබෙනවා.
මේ පුවත වාර්තා වීමත් සමඟ ඕස්ට්‍රේලියානු සෞඛ්‍ය අමාත්‍ය ග්‍රෙග් හන්ට් ඉරිදා විශේෂ නිවේදනයක් නිකුත් කරමින් කියා සිටියේ ඕස්ට්‍රේලියානු රජය නෝර්වේ රාජ්‍යයෙන් සහ ෆයිසර් නිෂ්පාදන සමාගමෙන් මේ පිළිබඳව වැඩිදුර තොරතුරු විමසා සිටින බවයි.
මේ පිළිබඳව ඔහු වැඩිදුරටත් සඳහන් කලේ ඕස්ට්‍රේලියාව සතුව ලොව හොඳම සෞඛ්‍ය නියාමන පද්ධතිය තිබෙන බවත් ඕස්ට්‍රේලියානුවන්ට ඒ පිළිබඳව විශ්වාසය තබා ගැනීමට හැකි බවත් ය.
මෙලෙස නෝර්වේහි වාර්තා වූ මරණ 29 යෙන් 25 ක් ම වාර්තා වී ඇත්තේ වයස අවුරුදු 70 හෝ ඊට වැඩි පුද්ගලයින් වේ. තවත් හතර දෙනෙක් වයස අවුරුදු 69 ට අඩු අය වෙති. නෝර්වීජියානු නිලධාරීන් පැවසුවේ මෙම මරණ “ඉතා බරපතල රෝගවලින් පෙළෙන රෝගීන්ට” පමණක් සීමා වී ඇති අතර සමහරුන් උණ, ඔක්කාරය හා පාචනය වැනි රෝගී තත්වයන් ඊට හේතු සාධකද යන්න පිළිබඳව අවධානය යොමු කරමින් විමර්ශනය කරමින් සිටින බවයි.
ඕස්ට්‍රේලියාවේ චිකිත්සක භාණ්ඩ පරිපාලන ආයතනය (TGA) තවමත් ෆයිසර් එන්නත නිල වශයෙන් අනුමත කර නැත. නමුත් ජනවාරි අවසානයට පෙර එය සිදු කිරීමට අපේක්ෂා කෙරේ.
(THENEWDAILY)
