පසුගිය මැයි මාසයට යෙදී තිබූ ෆෙඩරල් අයවැයෙන් යෝජනා කල සුබසාධක දීමනා ඉහළ නැංවීමට අදාළ යෝජනා මෙම සතියේ පාර්ලිමේන්තුවට ඉදිරිපත් කෙරෙනවා.
මේ අනුව ළමුන් නොමැති තනි පුද්ගලයෙකු සඳහා සති 02 කට හිමිවන Jobseeker දීමනාව ඩොලර් 56 කින් ඉහළයාමට නියමිතයි.
ලබන සැප්තැම්බර් 20 වනදා සිට එය බලාත්මක කෙරෙන බවයි සමාජ සේවා ඇමතිනී ඇමැන්ඩා රිෂ්වර්ත් සඳහන් කලේ.
කෙසේවෙතත් ෆෙඩරල් විපක්ෂය පෙන්වා දෙන්නේ දීමනා වැඩි නොකර සුබසාධන දීමනා ලබන පුද්ගලයන් සංඛ්යාව වැඩි කල යුතු බවයි.
එමගින් ඉදිරි වසර 04 තුළදී ඩොලර් බිලියන 2.9 ක මුදලක් ඉතිරි කරගත හැකි බවද ලිබරල් සන්ධානය පෙන්වා දෙනවා.
දැනට Jobseeker දීමනා ලබන සංඛ්යාව 808,000 ක් පමණ වන අතර ලිබරල් පක්ෂ යෝජනාව ක්රියාත්මක කලහොත් තවත් 50,000 කට පමණ එම දීමනාව ලබාගත හැකි වනු ඇති බවටත් මේ අතර මත පළවනවා.