ඔස්ට්‍රේලියානුවන් අතුරින් 2/5 ක් හෙවත් මිලියන 8.3 ක් පමණ නොසැළකිල්ල හමුවේ වාර්ෂිකව ඩොලර් සිය ගණනක් අහිමි කරගන්නා බව නවතම අධ්‍යයනයකදී හෙළිකරගෙන තිබෙනවා.
Finder ආයතනය විසින් සිදුකර ඇති සමීක්ෂණයකදී අනාවරණය වී ඇත්තේ පසුගිය මාස 12 තුළදී ඔවුන් අවම වශයෙන් එක් අත්වැරදීමක් හෝ සිදුකර ඇති බවයි.
නව ජංගම දුරකථන සැළසුමක නොමිළයේ අත්හදා බැලීම් කාලය (Free trial) අවසානවීමෙන් පසුවද එය අක්‍රීය කිරීමට අමතක වන ප්‍රතිශතය සියයට 17 ක් ලෙස මෙහිදී හෙළිකරගෙන තිබෙනවා.
මිළයට ගත් හෝ ලැබුණු Gift Card එකක වලංගු කාලය අවසන් වීමට පෙර භාවිත නොකරන ප්‍රතිශතය සියයට 14 ක් වන අතර පැකේජයේ නියමිත Data ප්‍රමාණය ඉක්මවා භාවිත කරන ප්‍රතිශතය සියයට 13 ක්.
මෙලෙස නොසැළකිල්ල හමුවේ වසරකදී ඇතැමුන් වියදම් කරගන්නා මුදල ඩොලර් 1,000 ද ඉක්මවන බවටයි තහවුරු කරගෙන ඇත්තේ.
