සේවකයන්ට අඩුවෙන් වැටුප් ගෙවා ඇතැයි කියන චෝදනා සම්බන්ධයෙන් Coles සහ Woolworths යන සුපිරි වෙළඳසැල් ජාලවලට එරෙහි නඩුවක් ෆෙඩරල් අධිකරණයක් හමුවේ විභාග කිරීම ආරම්භ වී තිබෙනවා.
Fair work ඔම්බුඩ්ස්මන් කාර්යාලය සහ අදාළ සුපිරි වෙළඳසැල්වල හිටපු සේවකයන් පිරිසකුයි මෙහි පැමිණිලිකරුවන් වන්නේ.
නඩු විභාගයේදී අනාවරණය වූයේ ඔස්ටේ්‍රලියානු වැටුප් ගෙවීම් ක්‍රමවේදයට මුලුමණින්ම බැහැර ක්‍රමයක් Coles සහ Woolworths සුපිරි වෙළඳසැල් විසින් අනුගමනය කර ඇති බවයි.
අතිකාල සේවාවල නිරතවන සේවකයන්ට එමගින් ලැබී ඇත්තේ ඉතා අඩු වැටුපක් බවටද අධිකරණයේදී හෙළිදරව් වී තිබෙනවා.
මෙම අසාධාරණය පිළිබඳ දැනුවත්ව සිටියදී පවා Coles සහ Woolworths සුපිරි වෙළඳසැල් විසින් එම දෝෂය නිවැරදි කිරීමට කටයුතු කර නොමැති බවටද අධිකරණයේදී චෝදනා එල්ල වී තිබෙනවා.
මෙම නඩු විභාගය සති 07 කට ආසන්න කාලයක් පැවැත්වෙනු ඇති.
