සුව පහසු විශ්‍රාම දිවියක් සඳහා ඔස්ට්‍රේලියානුවන්ට අවශ්‍ය අවම මුදල ඉහළ ගොස් තිබෙනවා.
යුවළක් සඳහා අවම වශයෙන් ඩොලර් 70,482 ක මුදලක් සහ තනි පුද්ගලයෙකු සඳහා ඩොලර් 50,004 ක මුදලක් අවශ්‍ය බවයි නවතම සංඛ්‍යාලේඛණ වාර්තාවල දැක්වෙන්නේ.
මෙය පසුගිය කාර්තුවට වඩා සියයට 1.1 ක ඉහළයාමක් වන අතර වසරක කාලය සැළකීමේදී සියයට 7.7 ක ඉහළයාමක් වනවා.
ආහාර – බලශක්ති – ඉන්ධන සහ අනෙකුත් භාණ්ඩ හා සේවා වල මිළ ගණන් සැළකිය යුතු ලෙස ඉහළයාමයි මීට ප්‍රධාන හේතුව වී ඇත්තේ.
එමෙන්ම රෝහල් ගාස්තු සියයට 4.2 කින් – ඖෂධ ගාස්තු සියයට 4.5 කින් සහ රක්ෂණ වාරික ගාස්තු සියයට 3.5 කින් පමණ ඉහළයාමද විශ්‍රාමිකයන්ට දැඩිව බලපා ඇති බවයි දත්ත වාර්තාවල සඳහන් වන්නේ.
